Эмнэлгийн яаралтай түргэн тусламжийн тоног төхөөрөмж хандивлаа.

Бүгд Найрамдах Солонгос улсад төвтэй Ворлд Шэйр олон улсын төрийн бус байгууллагын монгол дахь төлөөлөгчийн газар нь эмнэлгийн тусламж үйлчилгээ үзүүлэх үйл ажиллагааныхаа хүрээнд 2024 оны 02-р сард Сонгино хайрхан дүүргийн нэгдсэн эмнэлгийн хүүхдийн тасаг, Баянзүрх дүүргийн хүүхдийн сэргээн засах төвд нэн шаардлагатай эмнэлгийн яаралтай түргэн тусламжийн дараах тоног төхөөрөмж болон хүүхдийн мультивитамин хандивлаа. Үүнд:

-Тарианы автомат шахуурга

-Дуслын автомат шахуурга

-Хяналтын монитор

-Хүчилтөрөгч өтгөрүүлэгч

-Өвчтөн зөөх дамнуурга

-Пульс хэмжигч

Томуу/ томуу төст өвчний тархалт ихсэж эмнэлгийн тоног төхөөрөмжийн хүрэлцээ багатай энэ үед дээрх тоног төхөөрөмж олон хүүхдийг өвчний хүндрэлээс сэргийлэх, эмчлэх боломжтой болж байгаад тус 2 эмнэлгийн ажилтан албан хаагчид талархлаа илэрхийлж байв.

Сайн сайхнаа хуваалцая-Worldshare mongolia